تین سال میں سیاست میں بنیادی تبدیلی : امت شاہ

بھارتیہ جنتا پارٹی کے صدر امت شاہ نے آج کہا کہ مودی سرکار کے تین سال کے اقتدار کے دوران ملک کی سیاست میں بنیادی تبدیلی اور کنبہ پروری ، ذات پات اور ناز برداری کی پالیسی کو ختم کرکے دنیا بھر میں ملک کا وقار قائم کیا گیا ہے۔مسٹر شاہ نے سرکار کے تین سال مکمل ہونے پر اس کی کامیابیوں کی تفصیل بتانے یہاں منعقدہ اخباری کانفرنس میں کہا کہ



سیاست سے کنبہ پروری ، ذات پات اور ناز برداری کا خاتمہ ایک مبارک اشارہ ہے اور پچھلے 70 سال میں ترقی کے لئے جو کام نہیں ہوسکے تھے انہیں تین سال کے اقتدار کے دوران پورا کیا گیا ہے۔مسٹر شاہ نے مودی سرکار کو غریبوں ، دلتوں ، پسماندہ طبقات ، آدی واسیوں ، خواتین اور نوجوان کی سرکار بتاتے ہوئے کہا کہ یہ سرکار شفاف طریقے سے اور فیصلہ کن ڈھنگ سے کام کررہی ہے۔